ஓ அநீதி இழைக்கும் தலைவனே!

 ஓ  அநீதி இழைக்கும் தலைவனே!

ஓ  பாகுபாடு  காட்டும்  ஆட்சியாளரே!
ஓ  நீதியை  அழிக்கும்  நாடே!
ஓ  கொடுமை  துணைநிற்கும்  மக்களே!

இறைவன்  நம்மைக்  காண்பதில்லை 
இயன்றவரை  அநீதி  இழைப்போம் 
குறைச்  சொல்வோரை   அடக்குவோம் 
குற்றம்  காண்போரை  நசுக்குவோம் 

எமை   எதிர்க்கயார்   உண்டென்றே 
எண்ணியது   எல்லாம்  செய்கின்றீர் 
ஊமைபோல்  குடிமக்கள்  இருக்க 
ஊடகத்தை  பொய்மையில்  நடத்துகின்றீர் 

பொய்யும்   புரட்டும்   பேசியே 
பொழுது    எல்லாம்   கழிக்கின்றீர் 
மெய்யை   வருத்தி    உழைக்கும் 
மானிடருக்கு  சமூகநீதி  மறுக்கின்றீர் 

தலைவனே!   அநீதரின்  கைப்பாவையே 
தம்விருப்பம்   போன்றுனை   இயக்கும் 
நூலைப்    பிடித்தவரின்   ச(சா)தியினை 
நுழைத்து   நுகத்தை    வைத்தாயே.

நீதியை   நியாயத்தை  வளைத்தாய் 
நீசரை    உன்னருகில்   வைத்தாய் 
மதியை   இழந்து   பொய்யாய்  - உனை 
மதிப்போரின்  புகழில்நீ   சிக்கினாய் 

எங்கும்   அவர்கள்   ஆதிக்கம்தான் 
எதிலும்    அவர்கள்   ஆட்டம்தான் 
மங்கும்    உன்புகழ்     யாவும்இனி 
மதிப்பவர்   உனைஒருவர்   இலார்

சமூகநீதி   கெடுக்கும்   சண்டாளனை 
சீர்கல்வித்  துறையில்  நியமித்தாய் - தன் 
சமூகம்   மேன்படவே   தன்சதியால் 
சகலத்தையும்   அவன்   செய்வான்.

உன்கூடவே   இருந்து   அவனும் 
உனக்குக்   குழி   பறிப்பான்.
உன்மேல்   அவர்கள்   ஆதிக்கம் 
உயரும்   என்பதை உணர்வாய் 

பிறரை    ஆதிக்கத்தால்  நசுக்கும் 
பிற்போக்கு கொள்கை  பூணுவோரே 
அறநூலை   மறந்து   நீங்கள் 
அக்கிரமத்தை  தரித்து  உள்ளீர் 

வாழ்வதற்கு   வகைத்தேடி  நீங்கள் 
வேற்றோரின்  காலும்  பிடிப்பீர் 
வாழ்வுதந்த  மனிதரையே  நீங்கள் 
வாழாதபடி  காலில்   மிதிப்பீர்.

விடம்மிக்க   பாம்பிலும்  உங்கள் 
வினை  கொடியதும்  கொடியது 
இடம்கிட்ட   நீங்கள்   உடையோனின் 
இடத்தையும்  சேர்த்து  பிடிப்பீர்

நன்றிகெட்ட   இனமே   உன்னை 
நன்றாய்   நாட்டிலும்  உன்நாடு 
அன்றியும்  வளர்க்கும்  பிறமறை 
ஆதிகுடியை  ஏன்   ஒடுக்குகின்றாய்?

இனியும்   இறைவன்   பொருத்திரார் 
இருட்டிலே   உங்களை  கிடத்துவார் 
கனியும்   காலம்   எதுவென்றாலும் 
கண்டிப்பாய்  உங்களை  தண்டிப்பார் 

ஓ'தலைவனே    உனக்கு   ஐயோ !
ஒடுக்கி   மக்களை   நீயும் 
அடக்கி   நடத்த  நினைத்தாயே 
அடங்கும்   உன்புலங்கள்  யாவும் 

வடக்கில்   இருந்து   வரும்சத்தம் 
வாட்டி     உன்னை   வதைத்திடுமே 
முடக்கிப்   போடும்   உன்வலிமை 
முடங்கிப்   போகும்   முழக்கத்தால் 

அநீதத்திற்கு  துணைநின்ற நாடே 
அழுகையும்  கதறலும்  ஒலிக்கும் 
நீதியற்ற  வழக்குரைஞரே நீதிபதிகளே 
நிற்கதியற்று   நீரும்   போவீர்கள் 

ஊழல்மிகு  ஆட்சியாளர்  அதிகாரிகளே 
உரிமையை   மறுக்கும்   காவலரே 
அழல்மிகு   படுகுழி   உங்களை 
அணைத்திட  காத்துக்  கொண்டிருக்கும் 

பணத்திற்காய்  உண்மையை  நீதியை 
பலிகொடுக்கும்   ஊடகத்தாரே  பொய்யரே 
பிணத்திற்கு    நீங்களும்   ஒப்பானவர்கள் 
பிழைக்க  மாட்டீர்கள்   தீர்ப்பின்முன்   

வானமும்   பூமியும்   சாட்சிசொல்லும் 
வாய்மையும்   நீதியும்  தழைத்தோங்கும் 
தானமும்  சமத்துவமும் நிலைத்தோங்கும் 
தாமாய்    இறைவன்   எமைஆண்டிடுவார்