தென்றல் புன்சிரிப்பின் அடையாளம்
தென்றல் அமைதியின் அடையாளம்
தென்றல் ஆறுதலின் அடையாளம்
தென்றல் ஆனந்தத்தின் அடையாளம்
தென்றல் அமைதியின் அடையாளம்
தென்றல் ஆறுதலின் அடையாளம்
தென்றல் ஆனந்தத்தின் அடையாளம்
தென்றல் தெய்வீகத்தின் அடையாளம்
தென்றல் தேற்றுதலின் அடையாளம்
தென்றல் குளிர்ச்சியின் அடையாளம்
தென்றல் தாழ்ச்சியின் அடையாளம்
தென்றல் இனிமையின் அடையாளம்
தென்றல் இளமையின் அடையாளம்
தென்றல் இறைசந்நிதி அடையாளம்
தென்றல் இரக்கத்தின் அடையாளம்
தென்றல் உணர்வின் அடையாளம்
தென்றல் ஊக்கத்தின் அடையாளம்
தென்றல் மணத்தின் அடையாளம்
தென்றல் குணத்தின் அடையாளம்
காற்றிலே பிறந்து அடர்ந்த
காட்டிலே வளர்ந்து மரங்களின்
கீற்றினில் தவழ்ந்து மெல்லிய
கிளைகளில் அசைந்து வரும்
நறுமண மலர்களில் தழுவி
நலந்தரு செடியினில் அருகி
குருமலை இடையினில் கடந்து
குளிரருவியில் குளித்து வரும்
மாலையின் மங்கிய பொழுதில்
மயக்கும் நிலவின் ஒளியில்
அலையின் மெல்லிய தாலாட்டில்
அசைந்து வரும் தென்றல்
மழையின் சாரல் நனைந்து
மரங்களின் விரல்கள் அசைத்து
ஏழையின் வியர்வையில் ஊர்ந்து
எளிமையாய் வந்திடும் தென்றல்
ஆள்பவன் முதல் ஆண்டிவரை
அனைவரையும் தழுவிக் கொள்ளும்
உள்ளம் கொள்ளை கொள்ள
உடலை வருடி வரும்
அதன் இனிமையில் மெய்சிலிர்க்கும்
அதன் குளுமையை மனங்குளிரும்
பேதமில்லாது யாவினிலும் அன்பினை
பொழிந்து வரும் தென்றல்
இறைவனின் அருட்கொடை தென்றல்
இயற்கையின் குழந்தை அதுவும்
இறைவனின் பிரசன்னம் நமக்கு
இனியத் தென்றலின் வடிவாகும்
தென்றலைப் போன்றே நாமும்
தேடிச்சென்று அன்பைப் பகிர்வோம்
இன்முகம் காட்டி யாரிடமும்
இனிய உறவை வளர்ப்போம்.
கருத்துகள் இல்லை:
கருத்துரையிடுக