மன்னிக்க வரம்தாரும் இறைவா !
மற்றவர் பிழைப் பொறுத்து
மன்னிக்க வரம்தாரும் இறைவா !
மனமுவந்து குறை மறந்து
மன்னிக்க வரம்தாரும் இறைவா !
மகிழ்வுடன் பகைவரை ஏற்க
மற்றவர் பிழைப் பொறுத்து
மன்னிக்க வரம்தாரும் இறைவா !
மனமுவந்து குறை மறந்து
மன்னிக்க வரம்தாரும் இறைவா !
மகிழ்வுடன் பகைவரை ஏற்க
அருள்கூர்ந்து எம்பிழை நீரும்
அயராமல் மன்னிப்பது போல்
பெருமனதாய் பிறர் குற்றம்
பொறுத்துவிட வரம் தாரும்
வருத்தி என்னை ஒடுக்கினோரை
வஞ்சம் வைத்து நினையாமல்
கருத்தில் பகையென யாவும்
கொள்ளாது மன்னிக்க வரம்தாரும்
என்னுடைமை பறித்தோரை செருவில்
ஏளனம் என்னைச் செய்தோரை
இன்னா எனக்குச் செய்தவரை
இனிதாய் மன்னிக்க வரம்தாரும்
நீதியை எனக்கு மறுத்தோரை
நிம்மதி என்னில் கெடுத்தோரை
சதியாய் என்னை வஞ்சித்தோரை
சகித்து மன்னிக்க வரம்தாரும்
துரத்தி என்னை வெறுத்தோரை
குரோதம் என்னில் கொண்டோரை
குணமாய் மன்னிக்க வரம்தாரும்
அன்புக்கு மாற்றாய் பகைப்போரை
ஆணவத்தில் என்னைப் பழித்தோரை
பின்புறம் வசைகள் பாடுவோரை
பண்பாய் மன்னிக்க வரம்தாரும்
தாழ்நிலை என்னில் விரும்புவோரை
தாழ்த்தி என்னை அடக்கினோரை
சூழ்நிலை கொண்டு இகழ்ந்தோரை
சுயமாய் மன்னிக்க வரம்தாரும்
இறைவார்த்தை எடுத்து உரைக்க
இகழ்ந்து என்னை விலக்கினோரை
கறைகள் மனத்தில் விதைத்தோரை
கனிவாய் மன்னிக்க வரம்தாரும்
மன்னிக்க வரம்தாரும் இறைவா! - எனை
மன்னித்து வரம்தாரும் இறைவா!
கருத்துகள் இல்லை:
கருத்துரையிடுக