என்னோடு முன்செல்லும் இறைவா
என்னை உம்பாதையில் நடத்தும்
உன்னோடு வாழும் வாழ்க்கை
உண்மையில் மகிழ்வு அன்றோ
என்னை உம்பாதையில் நடத்தும்
உன்னோடு வாழும் வாழ்க்கை
உண்மையில் மகிழ்வு அன்றோ
தந்தையாய் என்னை அறிவுறுத்தும்
தாயினும் உம்மன்பைக் காட்டும்
மந்தையாய் எம்மை மேய்த்தருளும்
மண்கலம் நாங்கள் குயவனே
வற்றாத அருளூற்று எம்மில்
வழிந்தோடச் செய்யும் அருளாழியே
உற்றார் உறவுஎன் உயிரனைத்தும்
உம்மிலே உருவுக் கண்டேன்
மெய்யிலே எனக்கு அசீரளித்து
மென்மையாய் கணம் பண்ணும்
பொய்யிலே நானும் வீழ்ந்திடாது
பொறுமையும் பொதித்து வையும்
அன்பிலே நானும் வேரூன்றி
அனைவர் தமையும் நேசிக்கணும்
துன்பம் என்றொன்று வந்தாலும்
துவண்டு போகா திருக்கணும்
கண்ணை இமைக் காப்பதுபோல்
கடவுள்நீர் எமைக் காப்பீர்
விண்ணை மண்ணை ஆளும்
வேந்தர்நீர் விடுதலை தருவீர்
எமதுதேவை யாதென நீரறிவீர்
என்னக்குறை எனக்குநீர் வைத்தீர்
உமதருள் எமக்கென்றும் கிடைக்க
உள்ளத்தால் நான் புலம்புவதேன்?
அவசரமும் ஆதங்கமும் எனைவருத்த
அறிவற்ற மனிதனாய் ஆனேனே
பாவமும் பதற்றமும் சேர்ந்தேநான்
படைத்தவர் உம்முன் விலங்கானேன்
அமைந்த என்மனனும் சொல்லும்
ஆண்டவர் யாவும் காண்பாரேன்றே
ஊமையாய் என்மனதும் இருந்தால்
உளைச்சல் ஏதுஉடல் மனதுக்கு?
அநீதிக்கண்டு நான் பொருமினேன்
அச்சம்கொண்டு நான் வருந்தினேன்
நீதிக்கொண்டு ஆளும் இறைவன்
நீங்குவாரோ என் மனமே
என்னைநான் படைத்தது இல்லை
என்னால் படைத்தும் ஏதுமில்லை
பின்னையேது புலம்பினாய் மனமே
படைத்தவரே உன்முடிவு மட்டும்
என்னைப் படைத்தும் அவரன்றோ
எதிரியை படைத்தும் அவரன்றோ
தன்னைப் பொதுவில் வைத்தவரவர்
தீயோர் நல்லாருக்கும் கடவுளே
ஆதியும் அந்தமும் ஆனவரே
அனைத்துக்கும் அதிபதி நீரே
சோதியும் என்மீட்பும் ஆண்டவரே
சோதனை நின்றெனைக் காப்பீரே
கருத்துகள் இல்லை:
கருத்துரையிடுக